EDSP 121: Sintesis

                Huling regular na semestre ko na bilang isang Special Education major at UP students. Sa susunod na sesemstre, sasabak na ako sa practice teaching at wala na akong ipupunta pa sa UP. Mamimiss ko ang acad work, at hell weeks.

                Huling special education major ko na ang EDSP 121. Nakuha ko na kasi ang iba pa noong mga nagdaang semestre. Bakit ko nga ba kasi hinuli ang pagkuha ng course na ito? Bakit kaya ito pa ang huling course na kinuha ko?

                Noong una, narinig ko sa ilang mga special education majors na ang EDSP 121 ay “madali” lang dahil creativity “lang” naman iyon. Naisip ko rin yun sa totoo lang. Ang tanong ko nga sa sarili ko, “Bakit ba kailangang aralin pa ang creativity? Hindi ba kusa iyon dumadating sa’yo? Mapipilit mo ba ang isang taong maging creative?”

                Hindi ko namalayan, ang pagkuha pala ng kursong EDSP 121 ang sasagot sa aking mga tanong.

                Hindi ko inaakala na big deal pala sa special education ang creativity. Kahit na kadalasan itong naididikit sa giftedness, na isang exceptionality, malawak pala ang sakop nito. At marami pa lang pag-aaral ang ginawa dito. Huwag na huwag palang mailiitin ang konseptong ito. Nang una namin pakahulugan ang konseptong ito, nabigla ako. Ang alam ko kasi dati, ang isang tao ay nagiging malikhain lang kapag nakaiisip at nakagagawa siya ng isang bagay na bago sa paningin. Iyon pala ay hindi. Hindi lang pala dapat bago sa paningin, kundi may sense at may appropriateness, kung tawagin. Hindi malikhain ang isang bagay kung wala namang silbi ito. Napatunayan ko nga ito noong nagbasa kami ng mga artikulo patungkol sa mga Hapon. Natanto ko na hindi ko pala sila dapat masyadong hangaan dahil hindi naman pala lahat ng imbensyon nila ay “malikhain”. Dapat lang natin sila pasalamatan sa mga gamit na nagawa nilang bumago sa buong mundo.

                Ako din ay nabigla nang malamang marami pa palang approaches sa pag-aaral ng creativity. Naisip ko tuloy, dati kasi sabi ko malikhain ako, nanliit yata ako sa mga pinag-usapan naming. Nagmukha akong frustrated creative person. (Hahaha!) Ngunit napakagandang malaman na maaaring maging malikhain ang isang tao o hindi depende sa kung paano mo siya tinitignan. Tunay ngang walang isang batayan ang pagiging malikhain. Idagdag mo pa ang 4Ps na ibinahagi rin. At ang mga ideya pa ng napakahirap bigkasing pangalang Csikzentmihalyi.

                Naging isang malaking pagsubok din sa akin at sa mga kagrupo ko ang pag-isip ng isang workshop na DAPAT ay makakapagenhance ng creativity ng mga kaklase naming. Ngunit dahil nga kami ay may alam na sa kung paano tignan ang creativity, nakakuha naman kami ng lakas upang dumating sa isang workshop na sa tingin naming ay malikhain. Nagdaos kami ng Music Workshop (larawan sa ilalim) at naging matagumpay at nagkaroon naman ng magandang feedback.

                Tunay ngang malawak at complex ang konseptong creativity. Kahit natapos ko na ang EDSP 121, hindi ko pa rin kayang umisip ng sarili kong depinisyon nito na sasakop at sasaklaw sa lahat ng napag-aralan sa klase. Ngunit isa lang ang sigurado ko, at ika nga ni Teacher Irene, huwag kalimutan na:

CREATIVITY = NOVELTY + APPROPRIATENESS

Of Creative Class and Best Teacher

            SocSci I: Foundations of Behavioral Sciences. Sobrang requested. 300++ ang demand sa CRS.

Prof. Chei Billedo. Cybergoddess. Creative teacher.

Isang semester na lang at aalis na ako ng UP. Baon ko ang samu’t saring karanasan na nakuha ko sa mga naging klase, guro, kaibigan, atbp. Sa mahigit 151 na units na nakuha ko, masasabi kong sapat na iyon para maikumpara ko ang mga klase at guro. Sa UP Diliman kasi, ikaw ang pipili ng subject at professor. Sobrang imposed ang freedom. Hindi ko alam kung matutuwa ako o maaasar dahil hinahayaan lang ang mga estudyante.

Anyway, isang magandang pribilehiyo naman nito ang pagpili ng subjects mula sa Revitalized General Educatio Program ng UP of RGEP.  Hindi ko na palalawigin pa ang usaping RGEP dahil hindi naman iyon ang layunin ng blog entry ko na ito. Kumuha ako ng SocSci I noong summer. Registration Assistant (RA) at Graduating status kasi ako sa CRS kaya napagbigyan ako. Sa dami ba naman ng demands ng subject na ito, himala na lang yata kung matanggap ka.

Hindi pala ako nakapasok sa unang araw ng klase sa SocSci I, kasi nag-usher ako sa Parangal 2011, ang graduation rites ng Kolehiyo ng Edukasyon. Namiss-out ko raw ang magandang “Introduce Yourself” game ni Ma’am Chei. Pangalawang araw ng klase, napansin kong halos lahat ng kasama ko sa loob ay mga freshman. Naisip ko, “Patay, ako na naman ang ibobotong leader kapag may mga group activities. Minsan ayaw mo maging graduating talaga, o kahit na maging mas matanda lang sa loob ng classroom.” Buti na lang wala pang masyadong group activities.

Dalawang oras kada araw ng Summer ang klase namin. Unti-unting naging maganda at interesante ang mga usapan namin. Ang galing nga ni Ma’am Chei kasi parang hindi naming maramdaman na nagkaklase kami. Tulad nga ng sinabi ko kanina, masasabi kong isang creative na guro si Ma’am Chei. Bakit?

a.       Maliban sa fresh na fresh ang hitsura at damit niya sa tuwing pumapasok siya sa klase, fresh na fresh rin ang mga ideas niya. Laging updated at angkop na angkop ang mga halimbawang kanyang ginagamit. Halimbawa, nang talakayin naming ang tungkol sa mga hard at soft sciences, talagang siya ay nagsaliksik pa ng mga data at statistics tungkol dito. Novel at appropriate.

b.      Isa pang ikinatutuwa ko sa klase ay ang pagpapalit at pagbibihis ni Ma’am Chei. Kadalasan, pumapasok siyang nakagayak sa panahon na aming tatalakayin. Paminsan ay dinadamay niya pa kami at sinasabihan na magdamit din kami. Halimbawa, nang talakayin naming ang kultura noong 80’s, lahat kami ay nagdamit pang-80’s. (Larawan sa ibaba) Maganda ito dahil parang ikaw ay napupunta talaga sa panahong iyon. Novel at appropriate.

c.       Ibang-iba rin ang mga fun games at activities ni Ma’am Chei – mula individual, pair at groups. At laging hindi nawawala ang humor sa kanyang mga activities. Ilan sa mga ginawa naming ay nagsadula kami ng mga pinagmulan ng mundo, nag-ulat tungkol sa iba’t ibang kultura, gumawa ng skit, nagsolve ng puzzles at iba pa. At lahat ng ito ay higit na konektado sa kung anong tinatalakay naming. Novel at appropriate.

Ilan lamang iyan sa mga naobserbahan kong mga ginawa ni Ma’am Chei na masasabing malikhain. Kapag dating naman sa partisipasyon ng klase, gaya nga ng nabanggit ko sa itaas, in-demand talaga si Ma’am Chei at wala siyang estudyanteng ayaw mag-enjoy at matuto ng sabay. J

___________________________________________________________

Sources:

http://www.facebook.com/media/set/?set=a.1948048989326.114599.1485617166&type=3